Voci: Gabriella Cerino, Dario De Rosa
Coro: Gioia Miale, Emilio Salvatore, Enzo Stasino
Si te guarde attuorno
Nun ce sta cchiù terra ‘a cammenà
Nun ce stà
cchiù cielo addò vulà
Si te guarde attuorno
Nun ce stà cchiù mare addò affunnà
Né cchiù
fantasia pe sunnà
Si te guarde attuorno
Nun ce sta cchiù posto addò campà
Nun ce stà cchiù pate ‘a sta’ a sentì
Nun ce sta’ cchiù figlio ‘a fa aspettà
Si tu guarde ‘ncielo, ‘o cielo resta llà
C'hanno arrubbato ‘e suonne
C’hanno arrubbato l’aria ‘a respirà
C’hanno arrubbato ‘a vita
C’hanno arrubbato ‘o sanghe e ‘a libertà (2 v.)
Si te guarde attuorno, si te guarde attuorno
Si te guarde ‘e piede, si te guarde attuorno (2 v.)
‘A gente ca sta attuorno
nun riuscimmo manco a la sentì
nun riuscimmo
manco a la capì
‘A gente ca sta attuorno
nun riuscimmo manco a la guardà
e nemmeno cchiù
a ce parlà
Si te guarde attuorno
nun ce sta cchiù n’ombra pe’ sparì
nun ce sta cchiù n’ombra p’apparì
nun ce sta cchiù piede ‘a cammenà
Si tu guarde ‘ncielo, ‘o cielo resta llà
C’hanno arrubbato ‘e suonne
C’hanno arrubbato l’aria ‘a respirà
C’hanno arrubbato ‘a vita
C’hanno arrubbato ‘o sanghe e ‘a libertà (4 v.)
Si te guarde attuorno, si te guarde attuorno
Si te guarde ‘e piede, si te guarde attuorno (2 v.)